کاوش صدیقی ۔ ایک تعارف ۔
کراچی میں جنم لینے والے کاوش صدیقی 16 دسمبر 1963 میں ایک متوسط اردو بولنے والے گھرانے میں پلے بڑھے ۔ دوران تعلیم ہی لکھنے کا آغاز کیا ۔ ابتدا بچوں کی کہانیاں لکھنے سے کی ۔ یہ سال 1983 تھا ۔ جلد ہی افسانہ نگاری کی طرف مائل ہوگئے ۔اور کراچی سے شائع ہونے والے ڈائجسٹوں میں ایک فکشن رائٹر کے طور پر پہچان بنانے میں کامیاب ہوگئے ۔
کاوش صدیقی کی کہانیوں کے موضوعات معاشرے کے کردار ہوتے ہیں ۔جیتے جاگتے سانس لیتے ہنستے مسکراتے اور دکھوں۔ میں حوصلے سے جینے والے ۔ عورتیں اور بچے کاوش صدیقی کی کہانیوں کا بنیادی کردار ہوتے ہیں ۔
کاوش صدیقی خود کو معاشرے سے الگ ہوکر نہیں رہتے بلکہ معاشرے کا حصہ بن کر کہانی کو بنتے ہیں یہی وجہ ہے کہ ان کی کہانیوں کو بھر پور پذیرائی ملتی ہے اوران کے قارئین کا بڑا حصہ ان کی تحریروں کا منتظر رہتا ہے ۔
پاکستان کے تمام ہی قابل ذکر جرائد ان کی تحریروں کو شائع کرتے ہیں ۔
اردو دنیا کا سب سے بڑا اردو ہفت روزہ اخبار جہاں ان کی طویل قسط وار کہانیاں اہتمام سے شائع کرتا ہے ۔
کاوش صدیقی پاکستان میں نوعمر بچوں کے مقبول ترین ناول نگار ہیں
بچوں میں ا کا خاص موضوع معاشرے کے ان پسے ہوئے کچلے ہوئے طبقات ہیں جن کے لئے اچھی زندگی کا حصول بس ایک خواب ہے ۔
کاوش صدیقی کے بچوں کے ناولوں کی مقبولیت عہد حاضر میں ریکارڈ ہے انکا چھ حصوں پر مشتمل ناول آب تک آٹھ ہزار سے زیادہ شایع ہوچکا ہے ۔
کاوش صدیقی کو یہ اعزاز بھی حاصل ہے کہ ذن کے سرمد کے مقبول ترین کرداروں پر بھی علاحدہ علاحدہ ناول شائع ہورہے ہیں جو کہ خود اپنی جگہ ایک نیا کارنامہ ہے ۔